Bwelta ni Trillanes: Pagpalaki kay Pulong hindi maayos, bastos ang tatay gayun din ang anak


Trillanes kay Paolo Duterte: 'Hindi pinalaki nang maayos ng kaniyang magulang'

Binuweltahan ni Senador Antonio Trillanes IV si Davao City Vice Mayor Paolo Duterte kaugnay sa social media post ng huli na tinawag na "Senator Ugok" ang mambabatas.

Ayon kay Trillanes, hindi na niya papatulan ang ginawang pagtawag sa kaniya ng bise alkalde na ugok. Kasabay ng larawan na nakapost sa Facebook account ng lokal na opisyal na nagpapakita sa ilang miyembro ng Liberal Party na kasama ang negosyanteng si Kenneth Dong, na nadadawit sa P6.4-bilyong shabu shipment na nakalusot sa Bureau of Customs at kinalaunan ay nasabat sa isang bodega sa Valenzuela noong Mayo.


More: Notorious Abu Sayyaf sub-leader Muktadil killed by military troops in firefight

“Yung medyo kabastusan portion o yung tema ng kaniyang mensahe, hindi ko na papatulan 'yan. Pero it reflects na ito ay hindi pinalaki nang maayos ng kaniyang magulang,” pahayag ni Trillanes nang makapanayam nitong Lunes.

“At hindi rin ako nagugulat kasi kung bastos yung tatay, malamang bastos din yung anak,” dagdag niya.

Si Paolo ay anak ni Pangulong Rodrigo Duterte.

Bago lumabas ang larawan ng ilang kasapi ng LP na sinasabing kasama si Dong, isang larawan muna ni Paolo ang lumabas din sa social media na nagpapakita na kasama niya ang kontrobersiyal na negosyante.

More: PDEA, Army, PNP-SAF busted high-profile and big-time drug syndicate 'PRIMO'


Ayon kay Trillanes, dapat maghanda si Paolo kung papaano sasagutin ang mga alegasyon na may kinalaman siya sa BOC at mga iregularidad umano sa ahensiya.


“Yung kaniyang involvement sa Customs, operations, yung mga illegal activities diyan, malalim ang tinitingnan natin na anggulo rito. So maghanda siya ng papaano niya ito haharapin at sasagutin,” payo ng senador.

Sinabi naman ni Senador Panfilo Lacson na puwedeng "imbitahan" si Paolo sa ginagawang imbestigasyon ng Blue Ribbon committee tungkol sa shabu shipment, pero walang basehan para obligahin siyang dumalo sa pagdinig.

“Puwede rin tanungin kung i-elaborate ni Mark Taguba at kung may personal transaction directly with Paolo or whoever close to Paolo, puwede tanungin 'yan,” saad ni Lacson.

[Read in full: GMA]
Share on Google Plus

Loading...


0 comments:

Post a Comment